അന്‍വര്‍ സാദത്ത് എം.എൽ.എ അദ്ധ്യക്ഷത വഹിച്ച ചടങ്ങിൽ പഞ്ചായത്ത് പ്രസിഡന്‍റ് കെ.എ രമേശ് , ജില്ലാ പഞ്ചായത്ത് വൈസ് പ്രസിഡന്‍റ് അഡ്വ. അബ്ദുള്‍ മുത്തലിബ്, ബ്ലോക്ക് പഞ്ചായത്ത് മെമ്പര്‍ കെ.രമേശന്‍ തുടങ്ങി വിവിധ ജനപ്രതിനിധികൾ പങ്കെടുത്തു.
സ്വന്തമായി ഭൂമിയുണ്ടായിട്ടും അടച്ചുറപ്പില്ലാത്ത കൂരകളിലും വാടക വീടുകളിലും കഴിയേണ്ടിവരുന്ന അമ്മമാര്‍ക്കും അവരുടെ മക്കള്‍ക്കും ഒരു സുരക്ഷിത ഭവനം ഒരുക്കുക എന്ന ലക്ഷ്യത്തോടെ അൻവർ സാദത്ത് എം.എല്‍.എ, സുമനസ്സുകളായ വ്യക്തികളുടെയും സ്ഥാപനങ്ങളുടെയും സഹകരണത്തോടെ നടപ്പിലാക്കി വരുന്ന പദ്ധതിയാാണ് അമ്മക്കിളിക്കൂട് കാരുണ്യഭവന നിര്‍മാണ പദ്ധതി.
ഈ പദ്ധതി പ്രകാരം 41 ഭവനങ്ങള്‍ക്ക് കല്ലിടുകയും, പണി പൂര്‍ത്തിയായ 34 ഭവനങ്ങള്‍ ഇതുവരെകൈമാറുകയും ചെയ്തു. ശ്രീമൂലനഗരം, നെടുമ്പാശേരി, ചെങ്ങമനാട്, ചൂര്‍ണ്ണിക്കര, കീഴ്മാട്, എടത്തല, കാഞ്ഞൂര്‍ എന്നീ പഞ്ചായത്തുകളിലായി ഏഴ് വീടുകളുടെ നിർമാണം പുരോഗമിച്ചു കൊണ്ടിരിക്കുകയാണ്. 510 ചതുരശ്ര അടിയിൽ 6.12 ലക്ഷം രൂപ ചില വിലാണ് ഈ ഭവനങ്ങള്‍ നിർമിക്കുന്നത്.
