കെപിസിസി രാഷ്ട്രീയകാര്യ സമിതിയില്‍ നേതൃത്വത്തിന് രൂക്ഷ വിമര്‍ശനം. നേതാക്കള്‍ തമ്മില്‍ ഐക്യവും കൂടിയാലോചനകളും ഇല്ലെന്ന് വിമര്‍ശനം. സിപിഎം സ്വാധീനത്തില്‍പ്പെട്ട ന്യൂനപക്ഷങ്ങളെ തിരികെ എത്തിക്കണമെന്ന് സമിതി അറിയിച്ചു. കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ കൂടിയാലോചന നടത്താറില്ലെന്ന് കെ സുധാകരന്‍ കുറ്റപ്പെടുത്തി. വര്‍ക്കിംഗ് പ്രസിഡന്റായ തന്നെ മുല്ലപ്പള്ളി വിളിക്കാറില്ലെന്ന് സുധാകരന്‍. സുധാകരന്‍ തന്നെയും കണ്ടിട്ടില്ലെന്ന് മുല്ലപ്പള്ളി പറഞ്ഞു. കെ കരുണാകരന്‍ പോലും നേതാക്കളുമായി കൂടിയാലോചന നടത്തിയിരുന്നുവെന്ന് സുധീരന്‍ പറഞ്ഞു. നേതാക്കള്‍ എന്തുകൊണ്ട് പരസ്പരം ആലോചന നടത്തുന്നില്ലെന്ന് വിഡി സതീശന്‍ ചോദിച്ചു.
