കൊച്ചി .വിദ്യാർത്ഥികളായ ശ്രീനന്ദൻ , ഗോപീകൃഷ്ണൻ എന്നിവർ വയറിംഗ് പൈപ്പിൽ നിർമ്മിച്ച കാലുകൊണ്ടു പ്രവർത്തിപ്പിക്കാവുന്ന സാനിറ്റൈസർ ഡിസ്പെൻസിംഗ് ഉപകരണം തുരുത്ത് റോട്ടറി ഗ്രാമദളം ലൈബ്രറിയ്ക്ക് കൈമാറി. കോവിഡ് പ്രതിരോധ പ്രവർത്തനങ്ങളുടെ ഭാഗമായിട്ടാണ് അവരുടെ ദൗത്യം. തുരുത്ത് പുതിയേടത്ത് പി.ജി.സുനിൽകുമാറിൻ്റെ മക്കളാണ് . ശ്രീനന്ദൻ ഗിവഗിരി സ്കൂളിൽ പ്ലസ് വൺ വിദ്യാർത്ഥിയും, ഗോപീകൃഷ്ണൻ ഫിസാറ്റിൽ എഞ്ചിനീയറിംഗ് വിദ്യാർത്ഥിയുമാണ്.
ലൈബ്രറി പ്രസിഡൻ്റ് പി.സി.സതീഷ് കുമാർ ഉപകരണം ഏറ്റുവാങ്ങി. സെക്രട്ടറി കെ.പി.അശോകൻ, ജോ. സെക്രട്ടറി എസ്.രാധാകൃഷ്ണൻ, വൈസ്.പ്രസി. പി.കെ.അലിയാർ, കമ്മിറ്റി അംഗങ്ങളായ ജെ.എം നാസ്സർ, പി.കെ.സുഭാഷ്, എന്നിവർ പങ്കെടുത്തു.
