തിരുവനന്തപുരം: തിരുവനന്തപുരത്തു കീം എൻട്രൻസ് പ്രവേശനപ്പരീക്ഷയ്ക്കു വിദ്യാർഥിക്കൊപ്പം കൂട്ടുവന്ന രക്ഷിതാവിനും കോവിഡ് സ്ഥിരീകരിച്ചു. മണക്കാട് സ്വദേശിയായ രക്ഷിതാവിനാണു കോവിഡ് കണ്ടെത്തിയത്.
കോട്ടണ് ഹിൽ സ്കൂളിലാണ് ഇദ്ദേഹം കുട്ടിയെയുംകൊണ്ട് എത്തിയത്. പരീക്ഷ തീരുന്നതുവരെ ഇയാൾ സ്കൂൾ പരിസരത്തുണ്ടായിരുന്നു. പ്രവേശനപ്പരീക്ഷയ്ക്കു സ്കൂളിൽ എത്തിയവർ ജാഗ്രത പുലർത്താൻ അധികൃതർ ആവശ്യപ്പെട്ടു.
നേരത്തെ, തിരുവനന്തപുരത്തു കീം എൻട്രൻസ് പരീക്ഷയെഴുതിയ രണ്ടു വിദ്യാർഥികൾക്കു കോവിഡ് സ്ഥിരീകരിച്ചിരുന്നു. തൈക്കാട് കേന്ദ്രത്തിൽ പരീക്ഷ എഴുതിയ പൊഴിയൂർ സ്വദേശിക്കും കരമനയിൽ എഴുതിയ കരകുളം സ്വദേശിക്കുമാണു രോഗബാധ സ്ഥിരീകരിച്ചത്
