തിരുവനന്തപുരം: നിയമസഭാ കൈയാങ്കളി കേസില് മന്ത്രിമാരായ ഇ.പി.ജയരാജനും കെ.ടി. ജലീലിനും ജാമ്യം. തിരുവനന്തപുരം സിജെഎം കോടതിയാണ് ഇരുവർക്കും ജാമ്യം അനുവദിച്ചത്.
കേസിലെ മറ്റ് പ്രതികളായ വി. ശിവന്കുട്ടി, കെ. അജിത്ത്, കെ. കുഞ്ഞഹമ്മദ്, സി.കെ. സദാശിവന് എന്നിവര് വിടുതല് ഹര്ജി കോടതിയിൽ സമർപ്പിച്ചു. നവംബര് 12ന് കോടതി കേസ് വീണ്ടും പരിഗണിക്കും.
നേരത്തെ, കേസിലെ വിചാരണ സ്റ്റേ ചെയ്യണമെന്ന സര്ക്കാര് ആവശ്യം തള്ളിയ ഹൈക്കോടതി പ്രതികളോട് വിചാരണ കോടതിയില് ഹാജരാകാനും നിർദ്ദേശിച്ചിരുന്നു.
2015 മാര്ച്ച് 13ന് അന്ന് ധനമന്ത്രിയായിരുന്ന കെ.എം. മാണി ബജറ്റ് അവതരിപ്പിക്കുന്നതിനെതിരേ
നിയമസഭയിൽ എൽഡിഎഫ് അംഗങ്ങൾ പ്രതിഷേധമാണ് കൈയാങ്കളിയിലും സംഘർഷത്തിലും കലാശിച്ചത്. സംഘർഷത്തിൽ രണ്ടു ലക്ഷത്തോളം രൂപയുടെ നഷ്ടം സംഭവിച്ചുവെന്നുമാണ് കേസ്.