ന്യൂഡൽഹി: തിരുവനന്തപുരം വിമാനത്താവളം അദാനി ഗ്രൂപ്പിന് കൈമാറിയ തീരുമാനത്തിന് എതിരായ സംസ്ഥാന സര്ക്കാരിന്റെ ഹര്ജി പരിഗണിക്കുന്നത് സുപ്രീംകോടതി നീട്ടി. രണ്ട് ആഴ്ച കഴിഞ്ഞ് പരിഗണിക്കുമെന്ന് ചീഫ് ജസ്റ്റീസ് എസ്.എ. ബോബ്ഡെ അധ്യക്ഷനായ ബെഞ്ച് ആണ് അറിയിച്ചത്.
വിമാനത്താവള കൈമാറ്റവുമായി ബന്ധപ്പെട്ട് എയര്പോര്ട്ട് അതോറിറ്റി എംപ്ലോയീസ് യൂണിയന് നല്കിയ ഹര്ജികളും രണ്ടാഴ്ച കഴിഞ്ഞ് പരിഗണിക്കും. വിമാനത്താവള കൈമാറ്റം ചോദ്യം ചെയ്ത് നവംബറിലാണ് സുപ്രീംകോടതിയില് സംസ്ഥാന സർക്കാർ ഹര്ജി സമര്പ്പിച്ചത്.