കൊച്ചി: പി.ടി. തോമസിന്റെ നിലപാടുകള്ക്കുള്ള അംഗീകാരമാണ് സ്ഥാനാര്ഥിത്വമെന്ന് തൃക്കാക്കരയിലെ യുഡിഎഫ് സ്ഥാനാര്ഥി ഉമാ തോമസ്. പിടി തുടങ്ങിവച്ചതെല്ലാം പൂര്ത്തിയാക്കുമെന്നും അവർ പറഞ്ഞു.
തന്നെ സ്ഥാനാര്ഥിയാക്കിയതില് ഹൈക്കമാന്റിനോട് നന്ദിയുണ്ട്. തൃക്കാക്കരയില് പിടിക്ക് കിട്ടിയ അംഗീകാരം തനിക്കും ലഭിക്കും. സ്ഥാനാര്ഥിത്വത്തെ കുറിച്ച് മറിച്ച് ചിന്തിക്കേണ്ടി വന്നില്ല. പാര്ട്ടി ഒറ്റക്കെട്ടായി എടുത്ത തീരുമാനത്തിനൊപ്പം നില്ക്കുകയായിരുന്നു ഉമാ തോമസ് പറഞ്ഞു.
ഡൊമനിക് പ്രസന്റേഷനും കെ.വി. തോമസ് മാഷും ഒപ്പം നില്ക്കും. അവര്ക്ക് ഏറെ പ്രിയപ്പെട്ടവനായിരുന്നു പിടി. അവര് ഒരിക്കലും തനിക്കും പാര്ട്ടിക്കുമെതിരെ നില്ക്കില്ലെന്നും എല്ലാവരും ഒറ്റക്കെട്ടായി പ്രവര്ത്തിക്കും. വിജയം ഉറപ്പാണെന്നും ഉമാ കൂട്ടിച്ചേർത്തു.