മുംബൈ: ഐഡിഎഫ്സി മ്യൂച്ച്വല്‍ ഫണ്ട് പുതിയ ഐഡിഎഫ്സി മിഡ്കാപ് ഫണ്ട് അവതരിപ്പിക്കുന്നു. ഓപ്പണ്‍ എന്‍ഡഡ് ഇക്വിറ്റി സ്‌കമായ ഫണ്ട് മിഡ്കാപ് വിഭാഗത്തിലെ ഇക്വിറ്റികളിലും ഇക്വിറ്റി-ലിങ്ക്ഡ് സെക്യൂരിറ്റികളിലും പ്രധാനമായും നിക്ഷേപിച്ച് ദീര്‍ഘകാല മൂലധന വിലമതിപ്പ് സൃഷ്ടിക്കല്‍ ലക്ഷ്യമിടുന്നു. മിഡ്കാപ് വിഭാഗം ലാര്‍ജ് കാപ്പുകളെ അപേക്ഷിച്ച് കാലാകാലങ്ങളില്‍ താരതമ്യേന മികച്ച റിസ്‌ക്-അഡ്ജസ്റ്റ് റിട്ടേണുകള്‍ സൃഷ്ടിക്കുന്നു, കൂടാതെ വിവിധ മേഖലകളിലുടനീളം വിശാലമായ വൈവിധ്യവല്‍ക്കരണം സുഗമമാക്കുകയും ചെയ്യുന്നു.
കഴിഞ്ഞ മൂന്ന് വര്‍ഷത്തിനിടെ മിഡ്കാപ് ലോകത്ത് കമ്പനികളുടെ ശരാശരി വലിപ്പം വികസിച്ചു. ദീര്‍ഘകാലാടിസ്ഥാനത്തില്‍ മിഡ്കാപ് കമ്പനികളുടെ ശക്തമായ വളര്‍ച്ചാ സാധ്യതകളില്‍ നിന്ന് നിക്ഷേപകര്‍ക്ക് പ്രയോജനം നേടാനുള്ള അവസരം നല്‍കുന്നതിന് ഐഡിഎഫ്സി മിഡ്കാപ് ഫണ്ട് മികച്ച സ്ഥാനത്താണ്. പുതിയ ഫണ്ട് ഓഫര്‍ 28ന് ആരംഭിച്ച് ഓഗസ്റ്റ് 11ന് ക്ലോസ് ചെയ്യും. ഐഡിഎഫ്സി മിഡ്കാപ് ഫണ്ടിന്റെ പ്രധാന വ്യത്യാസം അത് സ്റ്റോക്കുകള്‍ തിരഞ്ഞെടുക്കുന്നതിന് അഞ്ച് ഫില്‍ട്ടര്‍ ഫ്രെയിംവര്‍ക്ക് പിന്തുടരും എന്നതാണ്, ഇത് ഉയര്‍ന്ന നിലവാരമുള്ളതും വളര്‍ച്ചയെ അടിസ്ഥാനമാക്കിയുള്ളതുമായ ഒരു പോര്‍ട്ട്ഫോളിയോ നിര്‍മ്മിക്കാന്‍ സഹായിക്കുന്നു.
ഈ നിക്ഷേപ ചട്ടക്കൂട് ഭരണം/സുസ്ഥിരത, മൂലധന കാര്യക്ഷമത, മല്‍സരക്ഷമത, അളവ്, സ്വീകാര്യമായ റിസ്‌ക്/റിവാര്‍ഡ് എന്നിവയുള്‍പ്പെടെ അഞ്ച് അടിസ്ഥാന പാരാമീറ്ററുകളെ അടിസ്ഥാനമാക്കിയാണ് കമ്പനികളെ തിരഞ്ഞെടുക്കുന്നത്. മൂലധന കാര്യക്ഷമത ഒരു ബിസിനസില്‍ നിക്ഷേപിച്ച മൂലധനത്തില്‍ പരമാവധി റിട്ടേണ്‍ നേടുന്നതിനുള്ള ഘടനാപരമായ അവസരം നല്‍കുന്നു, ഇത് ഓഹരി ഉടമകള്‍ക്ക് മൂല്യം സൃഷ്ടിക്കുന്നതില്‍ പ്രധാനമാണ്.
