നെടുമ്പാശ്ശേരി: എം.ഡി.എം.എ യുമായി പിടിയിലായ യുവാവ് റിമാൻ്റിൽ. ചെങ്ങമനാട് കപ്രശേരി കല്ലിൽ വീട്ടിൽ അഖിലി (26) നെയാണ് നെടുമ്പാശേരി പോലീസ് പിടികൂടിയത്. ഇയാളിൽ നിന്ന് ഒരു ഗ്രാം തൊള്ളായിരത്തി പത്ത് മില്ലിഗ്രാം എം.ഡി.എം.എ പിടികൂടി. ചെറിയ ഡപ്പികളിലും സിപ്പ് ലോക്ക് കവറുകളിലുമായി പാസഞ്ചർ ഓട്ടോറിക്ഷയുടെ ഡാഷ്ബോർഡിൽ വിൽപ്പനയ്ക്കായി സൂക്ഷിച്ച നിലയിലാണ് കണ്ടെത്തിയത്.
രാസലഹരി തൂക്കുന്നതിനുള്ള ഡിജിറ്റൽ ത്രാസും ഇയാളിൽ നിന്നും പിടികൂടി. പോലീസ് പട്രോളിംഗ് നടത്തുമ്പോൾ കപ്രശേരിയിൽ നിന്നുമാണ് ഇയാളെ പിടികൂടിയത്. പോലീസിനെക്കണ്ട് രക്ഷപ്പെടാൻ ശ്രമിച്ചെങ്കിലും പിന്തുടരുകയായിരുന്നു.
എം.ഡി.എം.എ വിൽപ്പനയ്ക്കായി കോയമ്പത്തൂരിൽ നിന്നും വാങ്ങിയതാണെന്ന് അഖിൽ പോലീസിനോട് പറഞ്ഞു. ഇൻസ്പെക്ടർ വി.ഗോപകുമാറിന്‍റെ നേതൃത്വത്തിലാണ് പ്രതിയെ അറസ്റ്റ് ചെയ്തത്. പിടിയിലായ അഖിലിനെ റിമാൻഡ് ചെയ്തു.
