ബെയ്റൂട്ട്: ലെബനന് തലസ്ഥാനമായ ബെയ്റൂട്ടിലെ തുറമുഖത്ത് വന് തീപിടിത്തം. ഒരു മാസത്തിനിടെ ബെയ്റൂട്ടിൽ ഉണ്ടാവുന്ന രണ്ടാമത്തെ അപകടമാണിത്. ഓഗസ്റ്റ് ആദ്യവാരമാണ് ബെയ്റൂട്ട് നഗരത്തിൽ ലോകത്തെ ഞെട്ടിച്ച വൻ സ്ഫോടനം ഉണ്ടായത്.
തീപിടിത്തത്തിന്റെ കാരണം വ്യക്തമല്ല. തീ ആളിക്കത്തുന്നതിന്റേയും ദൃശ്യങ്ങള് പുറത്തുവന്നിട്ടുണ്ട്.
ബെയ്റൂട്ട് തുറമുഖത്തുള്ള എണ്ണയുടേയും ടയറുകളുടേയും ഗോഡൗണിന് തീപിടിച്ചെന്നാണ് ലെബനന് സൈനിക വൃത്തങ്ങള് അറിയിച്ചത്. തീയണയ്ക്കാനുള്ള ശ്രമങ്ങള് നടന്നുവരികയാണെന്നും സൈന്യം കൂട്ടിച്ചേർത്തു.