തിരുവനന്തപുരം: സ്വർണക്കള്ളകടത്ത് കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിനെതിരെ കൂടുതൽ തെളിവ് ശേഖരണത്തിനായി എൻഐഎ സംഘം സെക്രട്ടേറിയറ്റിലെ സിസിടിവി കാമറ ദൃശ്യങ്ങൾ പകർത്തി തുടങ്ങി.
സെക്രട്ടേറിയറ്റിൽ മുഖ്യമന്ത്രിയുടെയും ശിവശങ്കറിന്റെയും ഓഫീസ് സ്ഥിതി ചെയ്യുന്ന ഭാഗങ്ങളിലെ സിസിടിവി കാമറകളുടെ ദൃശ്യങ്ങളാണ് എൻഐഎ സംഘം ഹാർഡ് ഡിസ്കിലേക്ക് പകർത്തിയത്.
സിസിടിവി ദൃശ്യങ്ങൾ ആവശ്യപ്പെട്ട് എൻഐഎ സംഘം നേരത്തെ ചീഫ് സെക്രട്ടറിക്ക് കത്ത് നൽകിയിരുന്നു. എന്നാൽ സാങ്കേതിക കാരണങ്ങൾ പറഞ്ഞ് സർക്കാർ സിസിടിവി ദൃശ്യങ്ങൾ കൈമാറാൻ വിമുഖത കാട്ടിയിരുന്നു