ആലപ്പുഴ: ചേർത്തല ദേശീയപാതയിൽ ബൈക്കും പിക്കപ്പ് വാനും കൂട്ടിയിടിച്ച് തോപ്പുംപടി സ്റ്റേഷനിലെ എസ് ഐ മരിച്ചു. ചേർത്തല പള്ളിപ്പുറം പഞ്ചായത്ത് പതിനാറാം വാർഡ് കൈതാത്ത്ചിറ രാജീവ്(53) ആണ് മരിച്ചത്.
തുറവൂർ എൻസിസി കവലയ്ക്ക് സമീപം ഇന്ന് രാത്രി എട്ട് മണിയോടെയാണ് അപകടമുണ്ടായത്. രാജീവ് സഞ്ചരിച്ചിരുന്ന ബൈക്കിൽ പിക്കപ്പ് വാൻ ഇടിക്കുകയായിരുന്നു. ഗുരുതരമായി പരിക്കേറ്റ രാജീവിനെ തുറവൂർ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
