രാജസ്ഥാൻ റോയൽസിനെ റോയൽ ചലഞ്ചേഴ്സ് ബാംഗ്ലൂർ ഏഴു വിക്കറ്റിന് പരാജയപ്പെടുത്തി. ആർആർ ഉയർത്തിയ 150 റൺസ് വിജയലക്ഷ്യം ആർസിബി 17 പന്തുകൾ ബാക്കിനിൽക്കെ മറികടന്നു.
അർധ സെഞ്ചുറി നേടിയ മാക്സ്വെല്ലിന്റെയും (പുറത്താകാതെ 50) ശ്രികാർ ഭരതിന്റെയും (44) മികവിലാണ് ആർസിബി അനായാസം ലക്ഷ്യം കണ്ടത്. ഇരുവരും ചേർന്ന കൂട്ടുകെട്ട് 69 റൺസ് ആണ് നേടിയത്. ഓപ്പണിംഗ് വിക്കറ്റിൽ കോഹ്ലി (25) ദേവദത്ത് പടിക്കൽ (22) സഖ്യം 48 റൺസ് കണ്ടെത്തി. തുടരെ ഓപ്പണർമാരെ നഷ്ടമായെങ്കിലും മാക്സ്വെലും ഭരതും ചേർന്ന് വിജയം അനായാസമാക്കി.
നേരത്തെ ഇവിൻ ലൂയിസും (58) ജയ്സ്വാളും (31) രാജസ്ഥാന് വെടിക്കെട്ട് തുടക്കം നൽകിയെങ്കിലും മധ്യനിര തകർന്നതോടെ മികച്ച സ്കോർ കണ്ടെത്താനായില്ല.