പത്തനംതിട്ട: മുൻ കല്ലൂപ്പാറ എംഎൽഎ സി.എ മാത്യു (88) അന്തരിച്ചു. വാർധക്യസഹജമായ അസുഖത്തെ തുടർന്നായിരുന്നു അന്ത്യം. 1987 ൽ കല്ലൂപ്പാറ മണ്ഡലത്തിൽനിന്ന് കോൺഗ്രസ് (എസ്) സ്ഥാനാർഥിയായി മത്സരിച്ചാണ് എംഎൽഎയായത്. 22 വർഷം കൊറ്റനാട് പഞ്ചായത്ത് അംഗമായിരുന്നു.
1980, 82 തെരഞ്ഞെടുപ്പുകളിൽ കല്ലൂപ്പാറയിലും 1991 ൽ ആറന്മുളയിലും മത്സരിച്ചു. കോൺഗ്രസ് (എസ്) ജില്ലാ പ്രസിഡന്‍റ്‌, കൊറ്റനാട് പഞ്ചായത്ത് അംഗം തുടങ്ങിയ നിലകളിലും പ്രവർത്തിച്ചു. വലിയകുന്നം സെന്‍റ് മേരീസ്‌ സ്കൂൾ റിട്ടയേർഡ് അധ്യാപകനായ സി.എ മാത്യു കൊറ്റനാട് കുമ്പളന്താനം ചെറുകര കുടുംബാംഗമാണ്.
