ബംഗളൂരു: കര്ണാടകയില് ബിജെപി എംഎല്എയെ കൊലപ്പെടുത്താന് കോണ്ഗ്രസ് നേതാവ് പദ്ധതിയിടുന്നതിന്റെ വീഡിയോ പുറത്ത്. യെലഹങ്ക എംഎല്എ എസ്.ആര്. വിശ്വനാഥനെ കൊല്ലാൻ കോണ്ഗ്രസ് നേതാവായ ഗോപാല്കൃഷ്ണ ആസൂത്രണം നടത്തുന്ന ദൃശ്യങ്ങളാണ് പുറത്തായത്. ഗോപാല്കൃഷ്ണ മറ്റൊരാളുമായി സംസാരിക്കുന്ന ദൃശ്യങ്ങളാണ് വീഡിയോയിലുള്ളത്.
കന്നടയിലാണ് കൊലപാതകം സംബന്ധിച്ച ഇരുവരുടെയും ചര്ച്ച. “അയാളെ കൊല്ലണം, എംഎല്എയെ തീര്ത്തേക്ക്, അതിനായി ഒരു കോടി രൂപയോ മറ്റോ ആകട്ടെ. ഇത് ഓകെയാണ്. നമുക്ക് തീർത്തേക്കാം, ആരും അറിയരുത്. ഇക്കാര്യം നമ്മൾക്കിടയിൽ ഒതുങ്ങണം.’- മൂന്നു മിനിറ്റോളം ദൈര്ഘ്യമുള്ള വീഡിയോയിൽ ഗോപാല്കൃഷ്ണ പറയുന്നു.