ആലപ്പുഴ: ജില്ലയിൽ ക്രമസമാധാനം ഉറപ്പാക്കുന്നതിനായി നിരോധനാജ്ഞ നീട്ടി. ക്രിമിനൽ നടപടിക്രമം- 144 പ്രകാരം പ്രഖ്യാപിച്ച നിരോധനാജ്ഞ വ്യാഴാഴ്ച രാവിലെ ആറു വരെയാണ് നീട്ടിയത്. ഇതു സംബന്ധിച്ച് ജില്ലാ കളക്ടര് എ. അലക്സാണ്ടര് ഉത്തരവ് പുറപ്പെടുവിച്ചു.
ജില്ലയില് സംഘര്ഷ സാധ്യത നിലനില്ക്കുന്നതായുള്ള ജില്ലാ പോലീസ് മേധാവിയുടെ റിപ്പോര്ട്ടിന്റെ അടിസ്ഥാനത്തിലാണ് നിരോധനാജ്ഞ നീട്ടിയത്.
കഴിഞ്ഞ ദിവസം ജില്ലയിൽ 12 മണിക്കൂറിനിടെ രണ്ട് കൊലപാതകം നടന്നതിനെ തുടര്ന്ന് തിങ്കളാഴ്ച വരെ നിരോധനാജ്ഞ പ്രഖ്യാപിച്ചിരുന്നു. ഇതാണ് ഇപ്പോൾ നീട്ടിയിരിക്കുന്നത്. ജില്ലയുടെ പലമേഖലകളും പോലീസ് കാവലിലാണ്.
ശനിയാഴ്ച രാത്രി ഏഴരയോടെയാണ് എസ്ഡിപിഐ സംസ്ഥാന സെക്രട്ടറി കെ.എസ്. ഷാനെ വെട്ടിക്കൊലപ്പെടുത്തിയത്. ഇതിനു പിന്നാലെ ഞായറാഴ്ച പുലര്ച്ചയോടെയാണ് ബിജെപി നേതാവ് വേട്ടേറ്റ് മരിച്ചത്. ഒബിസി മോര്ച്ച സംസ്ഥാന സെക്രട്ടറി രഞ്ജിത് ശ്രീനിവാസാണ് കൊല്ലപ്പെട്ടത്.