കോഴിക്കോട്:ഹൃദയത്തില് നിന്ന് ശരീരത്തിന്റെ എല്ലാ ഭാഗങ്ങളിലേക്കും രക്തം കൊണ്ടുപോകുന്ന വലിയ ധമനിയായ അയോര്ട്ടയിലെ വീക്കമാണ് അയോര്ട്ടിക് അന്യൂറിസം. ധമനിയുടെ ചില ഭാഗങ്ങള് ഒന്നര ഇരട്ടി വ്യാസത്തില് കൂടുതല് വീര്ക്കുന്ന അവസ്ഥയാണിത്. ഒട്ടുമിക്ക അയോര്ട്ടിക് അന്യൂറിസങ്ങളും ഉദര മേഖലയിലാണ് സംഭവിക്കുന്നത്, അവ അബ്ഡോമിനല് അയോര്ട്ടിക് അന്യൂറിസം എന്നറിയപ്പെടുന്നു. അയോര്ട്ടിക് അന്യൂറിസം വിള്ളലില് നിന്ന് 10% രോഗികള് മാത്രമേ അതിജീവിക്കുന്നുള്ളൂ എന്നതിനാല് അബ്ഡോമിനല് അയോര്ട്ടിക് അന്യൂറിസം ജീവന് ഭീഷണിയാകാം.
”അന്യൂറിസം വലുതായാല് പൊട്ടാനുള്ള സാധ്യതയും കൂടുതലാണ്.
നേരത്തെ, ഓപ്പണ് സര്ജറികളായിരുന്നു അബ്ഡോമിനല് അയോര്ട്ടിക് അന്യൂറിസം രോഗികള്ക്ക് ലഭ്യമായ ഏക മാര്ഗം. എന്നിരുന്നാലും, അടുത്ത കാലത്തായി, എന്ഡോവാസ്കുലര് അന്യൂറിസം റിപ്പയര് രൂപത്തിലുള്ള മിനിമലി ഇന്വേസീവ് സര്ജറി ചികിത്സയുടെ ആദ്യ നിരയായി പരിണമിച്ചു. രോഗികള്ക്ക് ഒരു ചെറിയ ആശുപത്രി വാസത്തിലൂടെ സാധാരണ ജീവിതത്തിലേക്ക് മടങ്ങാന് കഴിയുമെന്ന് കോഴിക്കോട്, മൈത്ര ഹോസ്പിറ്റലിലെ കാര്ഡിയോളജി വിഭാഗം ചെയര്മാനും സീനിയര് കണ്സള്ട്ടന്റുമായ ഡോ. ആശിഷ്കുമാര് മണ്ഡലേ പറയുന്നു.
വൃക്കകളിലേക്ക് രക്തം വിതരണം ചെയ്യുന്ന രക്തക്കുഴലുകളില് അന്യൂറിസം പലപ്പോഴും ശ്രദ്ധിക്കപ്പെടുന്നു. 65 വയസ്സിനു മുകളിലുള്ള പുരുഷാന്മരില് ശരാശരി 5% മുതല് 10% വരെ അയോര്ട്ടിക് അന്യൂറിസം വികസിക്കുന്നു. പുകവലി, മുതിര്ന്ന പ്രായം, ലിംഗഭേദം (പുരുഷന്), ഹൃദ്രോഗങ്ങള്, ഉയര്ന്ന രക്തസമ്മര്ദ്ദം, ഉയര്ന്ന കൊളസ്ട്രോള് എന്നിവയാണ് വയറിലെ അയോര്ട്ടിക് അന്യൂറിസത്തിന് കാരണമാകുന്ന പൊതു കാരണങ്ങള്. ഇത് പാരമ്പര്യമായും കൈമാറ്റം ചെയ്യപ്പെടുന്നു. പ്രായത്തിനനുസരിച്ച് അന്യൂറിസം ഉണ്ടാകാനുള്ള സാധ്യത വര്ദ്ധിക്കുന്നു. ‘, ഡോ. ആശിഷ്കുമാര് കൂട്ടിച്ചേര്ത്തു
പുകവലി, മുതിര്ന്ന പ്രായം, ലിംഗഭേദം (പുരുഷന്), ഹൃദ്രോഗങ്ങള്, ഉയര്ന്ന രക്തസമ്മര്ദ്ദം, ഉയര്ന്ന കൊളസ്ട്രോള് എന്നിവയാണ് അബ്ഡോമിനല് അയോര്ട്ടിക് അന്യൂറിസന് കാരണമാകുന്ന പൊതു കാരണങ്ങള്. ഇത് പാരമ്പര്യമായും കൈമാറ്റം ചെയ്യപ്പെടുന്നു. ദൃശ്യമായ ലക്ഷണങ്ങളൊന്നും ഇല്ലാത്തതിനാല് അന്യൂറിസം രോഗനിര്ണയ നിരക്ക് വളരെ കുറവാണ്. മറ്റ് ചില അസുഖങ്ങള്ക്കോ സാധാരണ പരിശോധനയ്ക്കിടെയോ നടത്തുന്ന പരിശോധനകളിലൂടെയാണ് ഇവ പലപ്പോഴും രോഗനിര്ണയം നടത്തുന്നത്. എക്സ്-റേ വഴിയോ അള്ട്രാസൗണ്ട് വഴിയോ ഇവ തിരിച്ചറിയപ്പെടുമെങ്കിലും, അന്യൂറിസത്തിന്റെ വ്യക്തമായ ചിത്രത്തിനും കൃത്യമായ വലുപ്പത്തിനും ഒരു സിടി സ്കാന് നടത്തുന്നു.
‘ബാധിതരില്, ഏകദേശം 20% പേര്ക്ക് മാത്രമേ കൃത്യസമയത്ത് രോഗം നിര്ണ്ണയിക്കാന് കഴിയൂ. പലപ്പോഴും, ബള്ജ് പൊട്ടുമ്പോള് മരണം സംഭവിക്കുന്നു. രോഗബാധിതരായ മൂന്നില് രണ്ടുപേര്ക്ക് ബള്ജ് പൊട്ടാനുള്ള സാധ്യതയുണ്ട്. ഏതെങ്കിലും അന്യൂറിസം വിണ്ടുകീറാനുള്ള സാധ്യത അതിന്റെ വലുപ്പവും വളര്ച്ചാ നിരക്കും വഴി വിലയിരുത്തപ്പെടുന്നു. ദ്രുതഗതിയില് 5 സെ.മീ. വ്യാസം കവിയുന്ന ഒരു വലിയ അന്യൂറിസം പൊട്ടാനുള്ള സാധ്യത കൂടുതലാണ്. പുകവലി ഉപേക്ഷിക്കുക, ഉയര്ന്ന രക്തസമ്മര്ദ്ദം നിയന്ത്രിക്കുക,
കൊളസ്ട്രോളിന്റെ അളവ് കുറയ്ക്കുക എന്നിവ ഉള്പ്പെടുന്ന മാറ്റങ്ങള് ജീവിതശൈലിയില് വരുത്തുന്നതിലൂടെ വളര്ച്ചാ നിരക്ക് നിയന്ത്രിക്കാനാകും. അന്യൂറിസത്തിലെ വലുപ്പത്തിലുള്ള മാറ്റങ്ങള് പരിശോധിക്കുന്നതിന് നിരന്തരമായ നിരീക്ഷണം (അള്ട്രാസൗണ്ട് അല്ലെങ്കില് സിടി സ്കാന്) ആവശ്യമാണ്. അന്യൂറിസത്തിന്റെ വലുപ്പം ടെസ്റ്റുകളുടെ ആവൃത്തി നിര്ണ്ണയിക്കുന്നു., ഡോ. ആശിഷ്കുമാര് കൂട്ടിച്ചേര്ത്തു
വയറിലെ അയോര്ട്ടിക് അന്യൂറിസത്തിന് ഫലപ്രദമായ വൈദ്യചികിത്സയില്ല. അന്യൂറിസം വികസനത്തിനോ വളര്ച്ചയ്ക്കോ കാരണമാകുന്ന അപകട ഘടകങ്ങളെ നിയന്ത്രിക്കാന് മരുന്ന് സഹായിച്ചേക്കാം. അന്യൂറിസങ്ങള്ക്കുള്ള ഒരേയൊരു ഓപ്ഷന് റിപ്പയര് ആണ്. അബ്ഡോമിനല് അയോര്ട്ടിക് അന്യൂറിസം സാധാരണയായി കാര്ഡിയോളജിസ്റ്റുകള്, ഇന്റര്വെന്ഷണല് റേഡിയോളജിസ്റ്റുകള്, വാസ്കുലര് സര്ജ•ാര് എന്നിവര് ചികിത്സിക്കുന്നു. സാധാരണ ആശുപത്രികള് അയോര്ട്ടിക് അന്യൂറിസത്തിന് ചികിത്സ വാഗ്ദാനം ചെയ്യുന്നുണ്ടെങ്കിലും, വയറിലെ അയോര്ട്ടിക് അന്യൂറിസം പോലുള്ള സങ്കീര്ണ്ണമായ കേസുകള്ക്ക് വിദഗ്ധ ചികിത്സ ആവശ്യമാണ്.