തിരുവനന്തപുരം: സ്വർണക്കടത്തു കേസിലെ പ്രതികളുമായുള്ള ബന്ധത്തിന്റെ പേരിൽ മുഖ്യമന്ത്രിയുടെ സെക്രട്ടറി എം. ശിവശങ്കറിനെ സസ്പെൻഡ് ചെയ്തതിനു പിന്നാലെ അദ്ദേഹത്തിന്റെ ഓഫിസിലെ ജീവനക്കാരെയും മാറ്റി. മുഖ്യമന്ത്രിയുടെ പ്രിൻസിപ്പൽ സെക്രട്ടറിയുടെ ഓഫിസിലെ പേഴ്സണൽ അസിസ്റ്റാന്റായ വി. രാജേന്ദ്രനെ പരിസ്ഥിതി വകുപ്പിലെ ജോയിന്റ് സെക്രട്ടറിയുടെ ഓഫിസിലേക്കു സ്ഥലംമാറ്റി.
ഐടി സെക്രട്ടറിയുടെ ഓഫിസിലെ കോണ്ഫിഡൻഷ്യൽ അസിസ്റ്റന്റ് ഗ്രേഡ് – ഒന്നായ ആർ. ശശികലയെ വ്യവസായ വകുപ്പിലെ അഡീഷണൽ സെക്രട്ടറിയുടെ ഓഫിസിൽ നിലവിലുള്ള ഒഴിവിൽ സ്ഥലംമാറ്റി നിയമിച്ച് പൊതുഭരണ വകുപ്പ് ഉത്തരവിറക്കി. ശിവശങ്കറിന്റെ ഓഫിസ് സ്റ്റാഫുകളായിരുന്നു ഇരുവരും.