ഹൈന്ദവ ദൈവങ്ങളുടെ വിഗ്രഹങ്ങൾ എറിഞ്ഞുടച്ച സ്ത്രീയ്ക്ക് കനത്ത ശിക്ഷ നൽകുമെന്ന് ബഹ്റൈൻ ആഭ്യന്തര മന്ത്രാലയം . ബഹ്റൈനിലെ ഒരു ഷോപ്പിംഗ് മാളിൽ വിൽപ്പനക്ക് വച്ചിരുന്ന ഗണപതിവിഗ്രഹങ്ങളാണ് മുസ്ലീം യുവതി തകർത്തത് .
ഒരു ഇസ്ലാമിക രാജ്യത്തിലെ മാളിലാണോ ഹിന്ദു വിഗ്രഹങ്ങൾ സൂക്ഷിക്കുന്നത് , എന്ന് ആക്രോശിച്ചായിരുന്നു വിഗ്രഹങ്ങൾ തറയിൽ എറിഞ്ഞ് തകർത്തത് . മറ്റൊരു സ്ത്രീ കടയുടമയോട് മുസ്ലീമാണോ എന്ന് ചോദിക്കുന്നത് വീഡിയോയിൽ വ്യക്തമാണ്.സംഭവത്തിന്റെ വീഡീയോ പുറത്ത് വന്നതോടെ ബഹ്റൈനിലെ ഹിന്ദു സമൂഹം ശക്തമായ പ്രതിഷേധവുമായി രംഗത്തെത്തി .
