തിരുവനന്തപുരം: കഴിഞ്ഞ ഓണക്കാലത്ത് നൂറുദിന കര്മ്മപരിപാടി പ്രഖ്യാപിച്ച് ജനങ്ങളെ കബളിപ്പിച്ച മുഖ്യമന്ത്രി, ക്രിസ്മസ് കാലത്ത് അതേ തന്ത്രവുമായി രംഗത്തിറങ്ങിയിരിക്കുകയാണെന്ന് പ്രതിപക്ഷനേതാവ് രമേശ് ചെന്നിത്തല.
ഓണക്കാലത്ത് പ്രഖ്യാപിച്ച നൂറദിന പരിപാടികളില് മിക്കവയും ഇനിയും നടപ്പാക്കിയിട്ടില്ലെന്നും അദ്ദേഹം പറഞ്ഞു.
അരലക്ഷം പേര്ക്ക് തൊഴില് നല്കും, അഞ്ച് ലക്ഷം കുട്ടികള്ക്ക് ലാപ്ടോപ്പ് നല്കും, കയര് മേഖലയില് ഓരോ ദിവസവും ഓരോ യന്ത്രവല്കൃത ഫാക്ടറികള് തുറക്കും, രണ്ടാം കുട്ടനാട് പാക്കേജ് നടപ്പാക്കും, ഒന്നരലക്ഷം കുടിവെള്ള കണക്ഷനുകള് നല്കും തുടങ്ങിയ മോഹന വാഗ്ദാനങ്ങളാണ് പഴയ നൂറുദിനകര്മ്മ പരിപാടിയില് പെടുത്തിയിരുന്നത്.
അന്ന് പ്രഖ്യാപിച്ച നൂറുദിന പദ്ധതികളെല്ലാം നടപ്പാക്കികഴിഞ്ഞുവെന്നാണ് സര്ക്കാര് അവകാശപ്പെടുന്നതെന്നും പക്ഷേ എവിടെ നടപ്പാക്കിയെന്ന് മാത്രം ആര്ക്കും അറിയില്ലെന്നും ചെന്നിത്തല പറഞ്ഞു.
വീണ്ടും 50,000 പേര്ക്ക് കൂടി തൊഴില് നല്കുമെന്നാണ് ഇപ്പോള് പ്രഖ്യാപിച്ചിരിക്കുന്നത്. ഇത് ആരെ കബളിപ്പിക്കാനാണെന്നും ചെന്നിത്തല ചോദിച്ചു. റാങ്ക് ലിസ്റ്റിലുള്ള ഉദ്യോഗാർഥികളെ നിയമിക്കാതെ പിഎസ്സിയുടെ ലിസ്റ്റുകള് കൂട്ടുത്തോടെ റദ്ദാക്കിയശേഷം പിന്വാതില് വഴി ഇഷ്ടക്കാരെയും സ്വന്തക്കാരെയും തിരുകി കയറ്റിയ സര്ക്കാരാണിത്.
അങ്ങനെയുള്ള സര്ക്കാരാണ് ജനങ്ങളെ കബളിപ്പിക്കുവാന് വീണ്ടും വീരവാദം മുഴക്കുന്നതെന്നും ചെന്നിത്തല കൂട്ടിച്ചേർത്തു.