കൊച്ചി: എറണാകുളത്ത് കോവിഡ് ബാധിച്ചത് ആരോഗ്യപ്രവർത്തകന്. ഞായറാഴ്ച കൊറോണ സ്ഥിരീകരിച്ച 20 പേരിലാണ് ഇദ്ദേഹവും ഉൾപ്പെട്ടത്. ഇദ്ദേഹം ജോയിന്‍റ് ഹെൽത്ത് ഇൻസ്പെക്ടറാണ്. ആലുവ ചൊവ്വര സ്വദേശിയാണ് ഇദ്ദേഹം.
നെടുമ്പാശേരി വിമാനത്താവളത്തിൽനിന്നാകാം ഇദ്ദേഹത്തിനും രോഗബാധയുണ്ടായതെന്നാണ് പ്രാഥമിക നിഗമനം. നെടുന്പാശേരിയിലാണ് ഇദ്ദേഹം പ്രധാനമായും ജോലി ചെയ്തിരുന്നത്. റെയിൽവേ സ്റ്റേഷനിലും ജോലി ചെയ്തിട്ടുണ്ട്.
കഴിഞ്ഞദിവസം തൊണ്ടവേദന ഉൾപ്പെടെയുള്ള ആരോഗ്യപ്രശ്നങ്ങൾ അനുഭവപ്പെട്ടതിനെ തുടർന്ന് ഐസൊലേഷൻ വാർഡിലേക്ക് മാറ്റുകയും സ്രവം പരിശോധനയ്ക്ക് അയയ്ക്കുകയുമായിരുന്നു. ഇദ്ദേഹവുമായി സന്പർക്കത്തിലുണ്ടായിരുന്ന ആരോഗ്യപ്രവർത്തകർ എല്ലാവരും സ്വയം നിരീക്ഷണത്തിലാണ്
