ന്യൂഡൽഹി: രാജ്യത്ത് അതിഥി തൊഴിലാളികളുടെ പലായനം അനുവദിക്കരുതെന്ന് കേന്ദ്രസർക്കാർ. സംസ്ഥാനങ്ങൾക്കാണ് കേന്ദ്രസർക്കാർ പുതിയ മാർഗനിർദേശം നൽകിയിരിക്കുന്നത്. അതിഥി തൊഴിലാളികൾക്ക് ഭക്ഷണവും ശന്പളവും ഉറപ്പാക്കണമെന്നും ഉത്തരവിൽ വ്യക്തമാക്കുന്നു.
അതിഥി തൊഴിലാളികളോട് ഒഴിയാൻ ആവശ്യപ്പെടുന്നവർക്കെതിരേ കർശന നടപടി സ്വീകരിക്കണമെന്നും കേന്ദ്രം ആവശ്യപ്പെട്ടു. കൊറോണ വൈറസ് വ്യാപനത്തെ തുടർന്ന് നാട്ടിലേക്കു പലായനം ചെയ്യുന്ന കുടിയേറ്റ തൊഴിലാളികളുടെ വാർത്തകൾ പുറത്തുവന്നതോടെയാണ് കേന്ദ്ര നടപടി.
