പാർട്ടി കമ്മീഷൻ റിപ്പോർട്ടിന്റെ അടിസ്ഥാനത്തിൽ എടുത്ത തീരൂമാനം സംസ്ഥാന സെക്രട്ടറിയേറ്റ് അംഗീകരിച്ചു ജില്ലാ ഘടകത്തെ അറിയിക്കുകയായിരുന്നു. ഒരു വർഷം മുന്പു നൽകിയ പരാതിയെക്കുറിച്ച് അന്വേഷിക്കാൻ പാർട്ടി കമ്മീഷനെ നിയോഗിച്ചിരുന്നു. സക്കീർ ഹുസൈൻ അനധികൃത സ്വത്ത് സന്പാദിച്ചു എന്നാണു കമ്മീഷൻ കണ്ടെത്തിയത്.
സക്കീർ ഹുസൈനെ വഹിക്കുന്ന പദവികളിൽനിന്നു നീക്കാനുള്ള ജില്ലാക്കമ്മറ്റിയുടെ ശിപാർശ പോരെന്നും പ്രാഥമിക അംഗത്വത്തിൽനിന്ന് ആറുമാസം മാറിനിൽക്കണമെന്നും സംസ്ഥാന കമ്മിറ്റി തീരുമാനിക്കുകയായിരുന്നു. ആറു മാസത്തിനു ശേഷം സക്കീർ ഹുസൈൻ പ്രവർത്തിക്കേണ്ട ഘടകം ഏതാണെന്നു സംസ്ഥാന കമ്മിറ്റി തീരുമാനിക്കും.
എറണാകുളം മുൻ ലോക്കൽ കമ്മിറ്റി സെക്രട്ടറി കെ.കെ. ശിവൻ നൽകിയ പരാതിയിലായിരുന്നു സംസ്ഥാന സമിതി അംഗം സി.എം. ദിനേശ് മണി ഉൾപ്പെടുന്ന മൂന്നംഗ കമ്മിറ്റി അന്വേഷണം നടത്തുകയും ആരോപണങ്ങളിൽ കഴന്പുണ്ടെന്നു കണ്ടെത്തുകയും ചെയ്തത്.