ചെ​ന്നൈ: തൂ​ത്തു​ക്കു​ടി​യി​ൽ പോ​ലീ​സ് ക​സ്റ്റ​ഡി​യി​ൽ അ​ച്ഛ​നും മ​ക​നും മ​രി​ക്കാ​നി​ട​യാ​യ സം​ഭ​വത്തിൽ​ സാത്താ​ൻ​കു​ളം പോ​ലീ​സ് സ്റ്റേ​ഷ​ൻ ഏ​റ്റെ​ടു​ക്കാ​ൻ മ​ദ്രാ​സ് ഹൈ​ക്കോ​ട​തി ഉ​ത്ത​ര​വ്. റവ​ന്യു ഉ​ദ്യോ​ഗ​സ്ഥ​രോ​ട് പോ​ലീ​സ് സ്റ്റേ​ഷ​ന്‍റെ നി​യ​ന്ത്ര​ണം ഏ​റ്റെ​ടു​ക്കാ​നാ​ണ് ഹൈ​ക്കോ​ട​തി ഉ​ത്ത​ര​വ്.

സം​ഭ​വ​ത്തി​ൽ തെ​ളി​വു​ക​ൾ ന​ശി​പ്പി​ക്കാ​ൻ സാ​ധ്യ​ത​യു​ണ്ടെ​ന്നും തെ​ളി​വു​ക​ൾ സം​ര​ക്ഷി​ക്ക​പ്പെ​ട​ണ​മെ​ന്നും കോ​ട​തി നി​ർ​ദേ​ശി​ച്ചു. അ​തേ​സ​മ​യം കേ​സ് സി​ബി​ഐ​ക്ക് കൈ​മാ​റു​ന്ന കാ​ര്യ​ത്തി​ൽ ഇ​ട​പെ​ടു​ന്നി​ല്ലെ​ന്ന് കോ​ട​തി പ​റ​ഞ്ഞു. ഇ​ക്കാ​ര്യ​ത്തി​ൽ സം​സ്ഥാ​ന സ​ർ​ക്കാ​രി​ന് ഉ​ത്ത​ര​വ് പു​റ​പ്പെ​ടു​വി​ക്കാ​മെ​ന്നും കോ​ട​തി വ്യ​ക്ത​മാ​ക്കി.

മൊ​ബൈ​ൽ​ഫോ​ൺ ക​ട​യു​ട​മ ജ​യ​രാ​ജ്, മ​ക​ൻ ഫെ​നി​ക്സ് എ​ന്നി​വ​രെ ലോ​ക്ക് ഡൗ​ൺ ലം​ഘി​ച്ചെ​ന്ന പ​രാ​തി​യി​ൽ പോ​ലീ​സ് ക​സ്റ്റ​ഡി​യി​ലെ​ടു​ക്കു​ക​യും ജൂ​ൺ 23ന് ​ഇ​രു​വ​രും കോ​വി​ൽ​പ​ട്ടി​യി​ലെ ആ​ശു​പ​ത്രി​യി​ൽ മ​രി​ക്കു​ക​യു​മാ​യി​രു​ന്നു. അ​ച്ഛ​നും മ​ക​നും പോ​ലീ​സ് ക​സ്റ്റ​ഡി​യി​ൽ മ​രി​ച്ച​തി​നെ​തി​രേ ത​മി​ഴ്നാ​ട്ടി​ൽ വ​ൻ പ്ര​ക്ഷോ​ഭം അ​ല​യ​ടി​ച്ചി​രു​ന്നു.

അ​തി​നി​ടെ സാ​ത്താ​ൻ​കു​ളം പോ​ലീ​സ് സ്റ്റേ​ഷ​നി​ൽ ര​ണ്ടാ​ഴ്ച മു​ൻ​പും ഉ​രു​ട്ടി​ക്കൊ​ല ന​ട​ന്നു​വെ​ന്ന് ജു​ഡീ​ഷ​ൽ ക​മ്മീ​ഷ​ൻ ക​ണ്ടെ​ത്തി. തൂ​ത്തു​ക്കു​ടി സ്വ​ദേ​ശി​യാ​യ മ​ഹേ​ന്ദ്ര​നെ​യാ​ണ് കൊ​ല​പ്പെ​ടു​ത്തി​യ​ത്. ഇ​യാ​ളു​ടെ മൃ​ത​ദേ​ഹം പോ​സ്റ്റ്മോ​ർ​ട്ടം ചെ​യ്യാ​തെ സം​സ്ക​രി​ച്ചു. ഓ​ട്ടോ മോ​ഷ​ണ​വു​മാ​യി ബ​ന്ധ​പ്പെ​ട്ട കേ​സി​ലാ​ണ് മ​ഹേ​ന്ദ്ര​നെ പോ​ലീ​സ് പി​ടി​കൂ​ടി​യ​ത്. പി​ന്നീ​ട് സ്റ്റേ​ഷ​നി​ൽ വ​ച്ച് കൊ​ടി​യ മ​ർ​ദ്ദ​ന​ത്തി​ന് ഇ​ര​യാ​ക്കിയെന്നും കണ്ടെത്തിയിരുന്നു.

പോ​ലീ​സ് സ്റ്റേ​ഷ​നി​ൽ ര​ണ്ട് വ​ർ​ഷ​ത്തി​ലേ​റെ​യാ​യി സി​സി​ടി​വി പ്ര​വ​ർ​ത്തി​ക്കു​ന്നി​ല്ലെ​ന്ന് അ​ന്വേ​ഷ​ണ സ​മി​തി റി​പ്പോ​ർ​ട്ട് ചെ​യ്തു.