തിരുവനന്തപുരം: സംസ്ഥാനത്ത് ഇന്ന് 449 പേർക്ക് കോവിഡ്-19 സ്ഥിരീകരിച്ചു. ഇതിൽ 144 പേർക്ക് സമ്പർക്കത്തിലൂടെയാണ് രോഗം ബാധിച്ചത്. ഉറവിടം അറിയാത്ത 18 കേസുകളും റിപ്പോർട്ട് ചെയ്തു.
അഞ്ച് ആരോഗ്യപ്രവർത്തകർക്കും രോഗം സ്ഥിരീകരിച്ചു. രോഗം സ്ഥിരീകരിച്ചവരില്‍ 140 പേര്‍ വിദേശ രാജ്യങ്ങളില്‍ നിന്നും 64 പേര്‍ മറ്റു സംസ്ഥാനങ്ങളില്‍ നിന്നും വന്നവരാണ്.
ആലപ്പുഴ- 119, തിരുവനന്തപുരം- 63 , മലപ്പുറം- 47, പത്തനംതിട്ട- 47, കണ്ണൂർ- 44 , കൊല്ല- 33, പാലക്കാട്- 19, കോഴിക്കോട്-16, എറണാകുളം- 15, വയനാട്- 14, കോട്ടയം- 10, തൃശൂർ- 9, കാസർഗോഡ്- 9, ഇടുക്കി- നാല് എന്നിങ്ങനെയാണ് രോഗബാധിതരുടെ ജില്ല തിരിച്ചുള്ള കണക്ക്.
162 പേർ ഇന്ന് രോഗമുക്തരായി. സംസ്ഥാനത്തെ ആകെ ഹോട്ട്സ്പോട്ടുകളുടെ എണ്ണം 223 ആയി. സംസ്ഥാനത്തെ വിവിധ ജില്ലകളിലായി 180594 പേരാണ് ഇപ്പോള്‍ നിരീക്ഷണത്തിലുള്ളത്. 713 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്.
