ആലുവയില് മുഖ്യമന്ത്രിക്ക് നേരെ കരിങ്കൊടി പ്രതിഷേധവുമായി യുവമോര്ച്ച പ്രവര്ത്തകര്. മുഖ്യമന്ത്രിയുടെ വാഹനവ്യൂഹത്തിന് മുന്നില് ചാടിയ യുവമോര്ച്ച പ്രവര്ത്തകര് അറസ്റ്റില്. കൊച്ചിയില് നിന്ന് തൃശൂരിലേക്കുള്ള മുഖ്യമന്ത്രിയുടെ യാത്രക്കിടയിൽ ആലുവ പുളിഞ്ചോട്ടിലായിരുന്നു പ്രതിഷേധം.ദേശീയ പാതയിൽ പ്രധാന സ്ഥലങ്ങളിൽ സുരക്ഷയൊരുക്കിയ പോലീസ് പ്രധാന ജംഗ്ഷനല്ലാത്ത ഇവിടെ മൂന്നംഗ യുവമോർച്ച നേതാക്കൾ എത്തിയത് അറിഞ്ഞില്ല. കരിങ്കൊടി പ്രകടനം കഴിഞ്ഞ് മുഖ്യമന്ത്രിയുടെ വാഹനവ്യൂഹം പോയി കഴിഞ്ഞതിന് ശേഷമാണ് ആലുവ സി.ഐയുടെ നേതൃത്വത്തിൽ ഇവരെ പിടികൂടിയത്
മുഖ്യമന്ത്രിക്ക് കനത്ത സുരക്ഷയായിരുന്നു യാത്രയിലുട നീളം ഏര്പ്പെടുത്തിയിരുന്നത്. തൃശൂരിലെ രാമനിലത്തിലാണ് കൂടുതല് സുരക്ഷ ഏര്പ്പെടുത്തിയത്. പ്രതിപക്ഷ സംഘടനകളുടെ പ്രതിഷേധം കണക്കിലെടുത്ത് കൂടുതല് പൊലീസിനെ വിന്യസിച്ചു. ജലപീരങ്കി സംവിധാനം ഉള്പ്പെടെയുള്ളവ വിന്യസിച്ചിട്ടുണ്ട്. ചെല്ലാനത്തെ പരിപാടിക്ക് ശേഷം മുഖ്യമന്ത്രി എത്തുന്നത് തൃശൂര് രാമനിലയത്തിലാണ്. നാല്പ്പതംഗ കമാന്ഡോ സംഘമാണ് മുഖ്യമന്ത്രിയെ വിന്യസിക്കുന്നത്. കൂടാതെ ഇന്നുരാത്രി മുഖ്യമന്ത്രി തങ്ങുന്നത് രാമനിലയത്തിയം ഗസ്റ്റ് ഹൗസിലാണ്. അതിനുശേഷം നാളെയാണ് മുഖ്യമന്ത്രി മലപ്പുറത്തേക്ക് എത്തുക.