കോഴിക്കോട് ഈങ്ങാപ്പുഴ കാക്കവയലില്‍ വിദ്യാര്‍ഥിനി നീന്തല്‍ കുളത്തില്‍ മുങ്ങി മരിച്ചു. പായോണ കരികുളം കണ്ടത്തുംതൊടുകയില്‍ ഫിലിപ്പിന്‍റെ മകള്‍ മരിയയാണ് (18) നീന്തുന്നതിനിടെ കുളത്തില്‍ മുങ്ങി മരിച്ചത്.
ഇവരുടെ ഫാമിലെ കുളത്തിലാണ് മരിയ മുങ്ങിമരിച്ചത്. 50 മീറ്റര്‍ നീളവും 30 മീറ്റര്‍ വീതിയും 20 അടി താഴ്ചയുമുള്ള കുളത്തിൽ കുടുംബത്തോടൊപ്പം കുളിക്കുന്നതിനിടെയാണ് സംഭവം. അഗ്നിശമനസേന എത്തിയാണ് മൃതദേഹം പുറത്തെടുത്തത്. ലിസ കോളേജിലെ വിദ്യാര്‍ഥിനിയാണ് മരിയ.
