തിരുവനന്തപുരം: കോവിഡ് പ്രോട്ടോക്കോൾ ലംഘിച്ച് പ്രവർത്തിച്ചതിന് വസ്ത്രശാലയുടെ ലൈസൻസ് റദ്ദാക്കി. തിരുവനന്തപുരം പോത്തീസ് വസ്ത്രശാലയ്ക്കെതിരേയാണ് നടപടിയെടുത്തത്.
നഗരസഭാ ആരോഗ്യവിഭാഗത്തിന്റെ പരിശോധനയ്ക്ക് പിന്നാലെയാണ് നടപടി. കോവിഡ് പ്രോട്ടോക്കോൾ പാലിക്കാതെ സ്ഥാപനം പിൻവാതിലിലൂടെ ജനങ്ങളെ പ്രവേശിപ്പിച്ചു കച്ചവടം നടത്തിയതായാണ് കണ്ടെത്തിയത്.
എന്നാൽ ഇത്തരത്തിൽ കോവിഡ് പ്രോട്ടോക്കാൾ ലംഘിച്ച് ചെറുകിട വ്യാപാര സ്ഥാപനങ്ങൾ പൂട്ടി കിടക്കേ നിത്യവുംപിൻവാതിൽ വഴി ജനങ്ങളെ പ്രവേശിപ്പിച്ച് കച്ചവടം നടത്തി വരുന്ന കൊച്ചികലൂരിലെ സ്ഥാപനത്തിനെതിരെ കൊച്ചി കോർപ്പറേഷനോ ആരോഗ്യവകുപ്പോ നടപടി എടുക്കാൻ മടിക്കുകയാണ് എന്ന് ചെറുകിട വ്യാപാരികൾ ആരോപിച്ചു.