ചേർത്തല: സിപിഎമ്മിനെതിരേ രൂക്ഷ വിമർശനവുമായി പാർട്ടി വിട്ട് ബിഡിജെഎസ് പ്രവേശനം നേടിയ ചേർത്തലയിലെ എൻഡിഎ സ്ഥാനാർഥി അഡ്വ. പി.എസ്. ജ്യോതിസ്. സിപിഎം ചില മാഫിയകളുടെ പിടിയിലായിരിക്കുകയാണെന്ന് ജ്യോതിസ് വിമർശിച്ചു.
സിപിഎമ്മിൽ നിരവധി ചെറുപ്പക്കാർ അവഗണന സഹിക്കുന്നുണ്ട്. അവരെല്ലാം പാർട്ടി വിട്ട് ഉടൻ പുറത്തുവരും. മന്ത്രിമാരായ ജി. സുധാകരനും തോമസ് ഐസക്കും ഇത്തവണ സ്ഥാനാർഥി പട്ടികയിൽനിന്ന് ഒഴിവായത് അവഗണനയുടെ തെളിവാണെന്നും ജ്യോതിസ് പറഞ്ഞു.
തണ്ണീർമുക്കം പഞ്ചായത്ത് പ്രസിഡന്‍റ് ആയിരുന്ന ജ്യോതിസ് സിപിഎം മരുത്തോർ വട്ടം ലോക്കൽ കമ്മിറ്റി അംഗവുമായിരുന്നു. അരൂരിൽ സ്ഥാനാർഥിത്വത്തിന് പരിഗണിക്കാത്തതിനെത്തുടർന്നാണ് ജ്യോതിസ് പാർട്ടി വിട്ടത്.
