നെടുമ്പാശ്ശേരിയിൽ അനധികൃതമായി താമസിക്കുകയായിരുന്ന ശ്രീലങ്കൻ പൗരനെതിരെ പോലീസ് കേസെടുത്ത് അന്വേഷണമാരംഭിച്ചു. നെടുമ്പാശേരി അത്താണി തേയ്ക്കാനത്ത് വീട്ടിൽ വാടകയ്ക്കു താമസിക്കുകയായിരുന്ന കൊളംബോ സ്വദേശി രമേഷ് (37) നെതിരെയാണ് നെടുമ്പാശ്ശേരി പോലീസ് കേസെടുത്തത്. യാത്രാ രേഖകളുടെ കാലാവധി കഴിഞ്ഞ ശേഷവും ഇയാൾ ഇവിടെ തങ്ങുകയായിരുന്നു. അന്വേഷണം വ്യാപിപ്പിച്ചുവെന്നും ഇയാൾക്ക് പ്രാദേശിക സഹായം ചെയ്തു നൽകിയവരെക്കുറിച്ചും അന്വേഷിക്കുമെന്നും ജില്ലാ പോലിസ് മേധാവി കെ. കാർത്തിക്ക് പറഞ്ഞു. കോടതിയാൽ ഹാജരാക്കി പ്രതിയെ റിമാൻഡ് ചെയ്തു.
നെടുമ്പാശ്ശേരിയിൽ അനധികൃതമായി താമസിച്ച ശ്രീലങ്കൻ പൗരൻ പിടിയിൽ
