തിരുവനന്തപുരം: മുഖ്യമന്ത്രി പിണറായി വിജയനെ വധിക്കുമെന്ന് ഫോണിൽ വിളിച്ച് ഭീഷണിപ്പെടുത്തയാളെ പോലീസ് പിടികൂടി. കോട്ടയം സ്വദേശി അനിലാണ് തൃപ്പൂണിത്തുറയിൽ വെച്ച് അറസ്റ്റിലായത്. എറണാകുളത്തേക്കുളള ബസിൽ ഇയാളുണ്ടെന്ന് കോട്ടയത്തുളള പോലീസ് സംഘം അറിയിച്ചതിന്നെത്തുടർന്ന് ഹിൽ പാലസ് പോലീസ് കസ്റ്റഡിയിലെടുക്കുകയായിരുന്നു.തുടർന്ന് വൈക്കത്തുനിന്ന് പോലീസ് എത്തി ഇയാളുടെ പ്രാഥമിക മൊഴിയെടുത്തു. മൊഴിയിൽ പരസ്പര വിരുദ്ധമായ കാര്യങ്ങളാണ് ഇയാൾ പറയുന്നതെന്നും വിശദമായ പരിശോധന നടത്തുമെന്നും അന്വേഷണസംഘം വ്യക്തമാക്കി
പോലീസ് മർദ്ദനത്തിനെതിരെ നടപടി സ്വീകരിച്ചില്ലെങ്കിൽ മുഖ്യമന്ത്രിയെ അപായപ്പെടുത്തുമെന്നാണ് ഇയാൾ ഭീഷണി മുഴക്കിയത്. ക്ലിഫ് ഹൗസിലേക്ക് വിളിച്ചായിരുന്നു ഭീഷണി.
