ഇബ്രാഹിം കുഞ്ഞ് പുറത്ത് – ലീഗ് റിബൽ യു ഡി എഫിൽ – ഭരണ സ്വപ്നം പൊലിഞ്ഞ് എൽ ഡി എഫ്

കളമശേരി: എൽഡിഎഫിലേക്ക് ചേക്കേറിയ  ലീഗ്റിബൽ മറുകണ്ടം ചാടിയതോടെ കളമശേരി നഗരസഭയിലെ സ്ഥിരം സമിതികളിൽ ഒന്നൊഴികെ എല്ലാം യു ഡി എഫിന് സ്വന്തം. രണ്ട് യുഡിഎഫ് റിബലുകൾ മടങ്ങിയെത്തിയതാണ് 20- 20 എന്ന നിലയിൽ നിന്നിരുന്ന കളമശേരിയിൽ ഭരണകക്ഷിക്ക് മുൻതൂക്കം ലഭിച്ചത്. 

ഇബ്രാഹിം കുഞ്ഞ് ജയിൽ മോചിതനായതാണ് യു ഡി എഫിന് രക്ഷയായത്. എം എൽ എ ഇടപെട്ട് എൽ ഡി എഫിലേക്ക് പോയ ലീഗ് റിബലിനെ തിരികെ കൊണ്ടുവരികയായിരുന്നു.  ഇബ്രാഹിം കുഞ്ഞ് പക്ഷക്കാരനായ ലീഗ് റിബൽ സുബൈർ  കളമശേരി നഗരസഭ ചെയർപേഴ്സൺ മത്സര ഘട്ടത്തിൽ എൽ ഡി എഫിന് അനുകൂലമായി നിന്നതിനാൽ ഇരുമുന്നണികളും ബലാബലമായി. തുടർന്ന് ചെയർപേഴ്സൺ, വൈസ് ചെയർമാൻ സ്ഥാനങ്ങളുടെ  നറുക്കെടുപ്പിൽ  യു ഡി എഫിന് ഭരണം ലഭിക്കുകയായിരുന്നു. 20- 20 എന്ന രീതിയിൽ സ്ഥിരം സമിതിയംഗങ്ങളെ തിരഞ്ഞെടുക്കുകയാണെങ്കിൽ എൽ ഡി എഫിന് രണ്ടോ മൂന്നോ സമിതികളിൽ ഭൂരിപക്ഷം ലഭിക്കുമായിരുന്നു. ലീഗ് റിബൽ കൈവിട്ടതോടെ എൽ ഡി എഫിന് ഒരു സമിതി കിട്ടുകയുള്ളൂവെന്നാണ് സൂചന.