മുംബൈ: മഹാരാഷ്ട്ര നിയമസഭാ സ്പീക്കര്‍ സ്ഥാനം നാന പടോലെ രാജിവച്ചു. രാജിക്കത്ത് ഡെപ്യൂട്ടി സ്പീക്കര്‍ നര്‍ഹാരി സിര്‍വാളിന് കൈമാറി.
നാനാ പടോലെ ഉടന്‍ മഹാരാഷ്ട്രയിലെ കോണ്‍ഗ്രസിന്‍റെ നേതൃനിരയിലേക്ക് വരുമെന്നാണ് സൂചന. ഭണ്ഡാര ജില്ലയിലെ സകോലിയില്‍ നിന്നുള്ള എംഎല്‍എയാണ് പടോലെ.
മഹാരാഷ്ട്രയിലെ കോണ്‍ഗ്രസ് അധ്യക്ഷന്‍ ബാലസാഹേബ് തോറാട്ടിന് പകരമായി പടോലെ അധ്യക്ഷസ്ഥാനത്തേക്ക് അദ്ദേഹമെത്തുമെന്നാണ് സൂചന. കോണ്‍ഗ്രസ് നേതാവായിരുന്ന പടോലെ ബിജെപിയിലെത്തി എംപിയായിരുന്നു. പിന്നീട് വീണ്ടും കോണ്‍ഗ്രസില്‍ തിരികയെത്തി.
മാര്‍ച്ച് ഒന്നിന് മഹാരാഷ്ട്രയില്‍ നിയമസഭാ ബജറ്റ് സമ്മേളനം തുടങ്ങാനിരിക്കെയാണ് നാനാ പടോലെ രാജി വച്ചത്.
