കൊച്ചി: കൊച്ചി അന്താരാഷ്ട്ര വിമാനത്താവളത്തിൽനിന്നു വിദേശ കറൻസി പിടിച്ചെടുത്തു. മൂവാറ്റുപുഴ സ്വദേശി തോപ്പിൽ യൂസഫിന്‍റെ കൈയിൽനിന്നുമാണ് കറൻസി പിടികൂടിയത്. സൗദി റിയാലുമായി ദുബായിലേയ്ക്ക് കടക്കാൻ ശ്രമിക്കുന്നതിനിടെയാണ് ഇയാൾ പിടിയിലായത്.
500 റിയാലിന്‍റെ 800 നോട്ടുകളാണ് പിടിച്ചെടുത്തത്. ബുധനാഴ്ച സ്‌പൈസ് ജെറ്റ് വിമാനത്തിൽ ദുബായിലേയ്ക്ക് പോകാനെത്തിയതായിരുന്നു യൂസഫ്. ബാഗിലെ രഹസ്യ അറയിൽ സൗദി റിയാലുമായി ദുബായിലേയ്ക്ക് കടക്കാനായിരുന്നു ശ്രമം. പ്രതിയെ കസ്റ്റംസ് കസ്റ്റഡിയിലെടുത്തു.
