ന്യൂഡൽഹി: സിബിഎസ്ഇ പത്താംക്ലാസ് പരീക്ഷാഫലം പ്രഖ്യാപിച്ചു. കേന്ദ്രമന്ത്രി രമേശ് പൊഖ്രിയാൽ നിഷാങ്കാണ് ഫലം പ്രഖ്യാപിച്ചത്. 91.46 ശതമാനമാണ് വിജയം. മേഖലകളിൽ ഒന്നാം സ്ഥാനം തിരുവനന്തപുരത്തിനാണ്. 99.28 ശതമാനമാണ് തിരുവനന്തപുരത്തെ വിജയം.
കോവിഡിന്റെ പശ്ചാത്തലത്തിൽ, എഴുതിയ പരീക്ഷകളുടെ മാർക്കിന്‍റെ ശരാശരിയെ അടിസ്ഥാനമാക്കിയും ഇന്‍റേണൽ മാർക്കും കണക്കിലെടുത്താണു ഫലം തയാറാക്കിയിരിക്കുന്നത്. ഏറ്റവും മികച്ച മാർക്ക് ലഭിച്ച മൂന്നു വിഷയങ്ങളുടെ ശരാശരി ആയിരിക്കും റദ്ദാക്കിയ പരീക്ഷകളുടെ മൂല്യനിർണയത്തിനായി എടുക്കുക.
ഒൗദ്യോഗിക വെബ്സൈറ്റായ cbseresults.nic.in യിലൂടെ പരീക്ഷാഫലം അറിയാനാകും. 18.89 ലക്ഷത്തോളം വിദ്യാർഥികളാണ് ഇത്തവണ സിബിഎസ്ഇ പത്താംക്ലാസ് പരീക്ഷ എഴുതി
