കോഴിക്കോട്: കുതിരവട്ടം മാനസിക ആരോഗ്യകേന്ദ്രത്തിൽനിന്ന് രക്ഷപ്പെട്ട രണ്ട് പ്രതികൾ പിടിയിൽ. നിസാമുദ്ദീൻ, അബ്ദുൾ ഗഫൂർ എന്നിവരെയാണ് വയനാട്ടിൽ നിന്ന് പിടികൂടിയത്. നേരത്തെ മറ്റൊരു കുറ്റവാളിയായ ആഷിക്കും അന്തേവാസിയായ ഷഹൽ ഷാനുവും പിടിയിലായിരുന്നു.
ജൂലൈ 22നാണ് കോഴിക്കോട് കുതിരവട്ടം മാനസികാരോഗ്യ കേന്ദ്രത്തിൽ നിന്നും പോലീസിന്റെയും സുരക്ഷ ജീവനക്കാരുടേയും കണ്ണ് വെട്ടിച്ച് തടവുകാർ കടന്ന് കളഞ്ഞത്. കുറ്റവാളികളെ പാർപ്പിക്കുന്ന മൂന്നാം വാർഡിലെ പ്രത്യേക സെല്ലിൽ നിന്നാണ് പ്രതികൾ പുറത്ത് ചാടിയത്.