കൊല്ലം: കൊല്ലം ഓച്ചിറയില് രാജസ്ഥാന് സ്വദേശികളുടെ മകളായ 13കാരിയെ തട്ടിക്കൊണ്ടുപോയ സംഭവത്തില് കേരളാ പൊലീസ് ബാംഗ്ലൂര് പൊലീസിന്റെ സഹായം തേടി. പ്രതി റോഷന് പെണ്കുട്ടിയുമായി ബാംഗ്ലൂരിലേക്ക് കടന്നുവെന്ന് കണ്ടെത്തിയതിനെ തുടര്ന്നാണ് കേരളാ പൊലീസ് ബാംഗ്ലൂര് പൊലീസിന്റെ സഹായം തേടിയത്.തിങ്കളാഴ്ചയാണ് ഓച്ചിറ സ്വദേശി റോഷനും സംഘവും വഴിയോരക്കച്ചവടക്കാരായ മാതാപിതാക്കളെ മര്ദ്ദിച്ച് അവശരാക്കി 13 കാരിയെ തട്ടിക്കൊണ്ട് പോയത്. ഓച്ചിറ – വലിയകുളങ്ങര പ്രദേശത്ത് പ്ലാസ്റ്റര് ഓഫ് പാരിസ് ഉപയോഗിച്ച് വിഗ്രഹങ്ങള് ഉണ്ടാക്കി വില്ക്കുന്ന രാജസ്ഥാന് സ്വദേശികളുടെ മകളെയാണ് റോഷന്റെ നേതൃത്വത്തിലുള്ള സംഘം തട്ടിക്കൊണ്ട് പോയത്. തടയാന് ശ്രമിച്ചപ്പോള് അച്ഛനമ്മമാരെ മര്ദ്ദിച്ച് അവശരാക്കി വഴിയില്ത്തള്ളിയ ശേഷം പെണ്കുട്ടിയെ തട്ടിക്കൊണ്ടുപോവുകയായിരുന്നു. പരാതിയുമായി സ്റ്റേഷനിലെത്തിയപ്പോള് ആദ്യം കേസെടുക്കാന് തയ്യാറാകാതിരുന്ന പൊലീസ് പിന്നീട് നാട്ടുകാരുടെ വലിയ പ്രതിഷേധങ്ങള്ക്കൊടുവിലാണ് കേസെടുത്തത്. കൊല്ലം എസിപിയുടെ നേതൃത്വത്തിലാണ് അന്വേഷണം പുരോഗമിക്കുന്നത്.
Home Local News Kollam പെണ്കുട്ടിയെ തട്ടിക്കൊണ്ടുപോയവര്ക്കെതിരെ പോക്സോ ചുമത്തി; ബാംഗ്ലൂര് പൊലീസിന്റെ സഹായം തേടി