തൃക്കാക്കരയിൽ സ്ഥാനാര്ത്ഥി ചിത്രം തെളിഞ്ഞു. മൂന്ന് മുന്നണി സ്ഥാനാർഥികൾ ഉൾപ്പടെ എട്ട് സ്ഥാനാർഥികളാണ് മത്സര രംഗത്തുള്ളത്. പത്രിക പിൻവലിക്കാനുള്ള സമയം അവസാനിച്ചതോടെയാണ് സ്ഥാനാർഥി ചിത്രം തെളിഞ്ഞത്.ജോ ജോസഫിന്റെ അപരജോമോന് ജോസഫും ,, അനില് നായര്, ബോസ്കോ കളമശേരി, മന്മഥന്, സിപി ദിലീപ് നായര് എന്നിവരാണ് മത്സരരംഗത്തുള്ള മറ്റുള്ളവര്.
വോട്ടിംഗ് മെഷീനിൽ യുഡിഎഫ് സ്ഥാനാർഥി ഉമാ തോമസിന്റെ പേരാകും ആദ്യം വരിക. രണ്ടാമതായി എൽഡിഎഫ് സ്ഥാനാർഥി ജോ ജോസഫിന്റെ പേരുണ്ടാകും. എൻഡിഎ സ്ഥാനാർഥി എ.എൻ.രാധാകൃഷ്ണന്റെ പേര് വോട്ടിംഗ് മെഷീനിൽ മൂന്നാമതായിരിക്കും.
മണ്ഡലത്തിൽ മുന്നണി സ്ഥാനാർഥികളുടെ പ്രചരണം കൊഴുക്കുകയാണ്. മൂന്ന് മുന്നണികളുടെയും പ്രമുഖ നേതാക്കളെല്ലാം മണ്ഡലത്തിൽ ക്യാമ്പ് ചെയ്താണ് പ്രവർത്തനം നടത്തുന്നത്. എൽഡിഎഫിന്റെ പ്രചരണത്തിന്റെ ചുക്കാൻ പിടിക്കുന്നത് മുഖ്യമന്ത്രി തന്നെയാണ്. പ്രതിപക്ഷ നേതാവിന്റെ നേതൃത്വത്തിലാണ് യുഡിഎഫിന്റെ പ്രവർത്തനം.