കൊച്ചി: പ്രായപൂര്ത്തിയാകാത്ത പെണ്കുട്ടിയെ ഒറ്റപ്പെട്ട പ്രദേശത്ത് എത്തിച്ച് പീഡിപ്പിക്കാന് ശ്രമിച്ച കേസില് പള്ളി ഇമാമിന്റെ മുന്കൂര് ജാമ്യാപേക്ഷ അടുത്തയാഴ്ച്ച പരിഗണിക്കാന് മാറ്റി. കേസിലെ പ്രതിയായ ഇമാം ഷെഫീഖ് അല് ഖാസിമി സമര്പ്പിച്ച ഹര്ജിയാണ് ഹൈക്കോടതി ഈ മാസം 12 ലേക്ക് മാറ്റിയത്.
നേരത്തെ ഇരയായ പെണ്കുട്ടിയെ വിട്ടുകിട്ടണമെന്നാവശ്യപ്പെട്ട് പെണ്കുട്ടിയുടെ അമ്മ നല്കിയ ഹേബിയസ് കോര്പ്പസ് ഹര്ജി ഹൈക്കോടതി പരിഗണിച്ചിരുന്നു. കുട്ടി ചൈല്ഡ് വെല്ഫെയര് കമ്മിറ്റിയുടെ സംരക്ഷണയില് തന്നെ തുടരണമെന്നും കോടതി നിര്ദേശിച്ചിരുന്നു.
പെണ്കുട്ടി ഹൈക്കോടതിയില് നേരിട്ട് ഹാജരായി കുടുംബത്തിനൊപ്പം പോകണമെന്ന് അറിയിച്ചെങ്കിലും ഇക്കാര്യത്തില് ഉടന് തീരുമാനമെടുക്കാന് കഴിയില്ലെന്ന് കോടതി വ്യക്തമാക്കുകയായിരുന്നു. കുട്ടിയെ മാതാപിതാക്കള്ക്ക് വിട്ടുകിട്ടണമെന്ന ഹര്ജി വിധി പറയാന് മാറ്റിയിരിക്കുകയാണ്.