കോഴിക്കോട്: പ്രവാസികൾക്കായി പ്രത്യേകം ചാർട്ടർ ചെയ്ത വിമാനത്തിലും സ്വർണക്കടത്തിന് ശ്രമം. കരിപ്പൂർ വിമാനത്താവളത്തിൽ അനധികൃത സ്വർണവുമായി യാത്രക്കാരനെ പിടികൂടി. കണ്ണൂർ സ്വദേശി ജിതിനാണ് (28) പിടിയിലായത്.
736 ഗ്രാം സ്വർണമിശ്രിതമാണ് ഇയാൾ ഒളിപ്പിച്ചു കടത്താൻ ശ്രമിച്ചത്. കുഴന്പുരൂപത്തിലാക്കിയ സ്വർണം പ്രത്യേകം പായ്ക്കറ്റു ചെയ്തു അടിവസ്ത്രത്തിനുള്ളിൽ ഒളിപ്പിച്ച നിലയിലായിരുന്നു. റാസൽഖൈമയിൽനിന്ന് സ്പൈസ് ജെറ്റ് വിമാനത്തിലാണ് ജിതിൻ എത്തിയത്.
സമാനമായ കള്ളക്കടത്തുമായി ഇന്നലെ നാലു യാത്രക്കാർ കരിപ്പൂരിൽ പിടിയിലായിരുന്നു. 81 ലക്ഷം രൂപയുടെ സ്വർണമാണ് ഇവരിൽ നിന്നു കണ്ടൈടുത്തിട്ടുള്ളത്. അഞ്ചുപേരിൽ നിന്നു സമാനമായ രീതിയിൽ സ്വർണം പിടിക്കപ്പെട്ടതോടെ കള്ളക്കടത്ത് സംഘം വീണ്ടും സജീവമായതായാണ് സൂചന.
