ശ്രീനഗർ: ജമ്മു കാഷ്മീരിലെ ബുദ്ഗാമിൽ അഞ്ചു ലഷ്കർ ഭീകരർ പിടിയിൽ. ബുദ്ഗാമിലെ നർബലിൽനിന്നുമാണ് ഭീകരരെ സുരക്ഷസേന പിടികൂടിയത്. ഇവരിൽനിന്നു നിരവധി ആയുധങ്ങളും സേന പിടിച്ചെടുത്തു.
എകെ47 തോക്കുകളും തിരകളുമാണ് ഭീകരരിൽനിന്നു പിടിച്ചെടുത്തത്. ഇമ്രാൻ റാഷിദ്, ഇഫ്ഷാൻ അഹ്മദ് ഗാനി, ഒവൈസ് അഹ്മദ്, മൊഹ്സിൻ ഖാദിർ, ആബിദ് റതർ എന്നിവരാണ് പിടിയിലായത്.
അതേസമയം സോപോറിലും സുരക്ഷ/സേനയും ഭീകരരും തമ്മിൽ ഏറ്റുമുട്ടൽ നടക്കുകയാണ്. സോപോറിലെ ഹർദിവ മേഖലയിലാണ് ഏറ്റുമുട്ടലുണ്ടായത്. കൂടുതൽ സുരക്ഷാ ഉദ്യോഗസ്ഥർ സ്ഥലത്തേക്ക് എത്തിയിട്ടുണ്ട്. കഴിഞ്ഞ ദിവസം പുൽവാമയിൽ രണ്ടു ഭീകരരെ സുരക്ഷാസേന വധിച്ചിരുന്നു.