രാജസ്ഥാനിൽ ജീപ്പും ട്രക്കും കൂട്ടിയിടിച്ച് എട്ടു പേർ മരിച്ചു. നാലു പേർക്ക് പരിക്കേറ്റു. തോങ്ക് ജില്ലയിലെ സദാർ പോലീസ് സ്റ്റേഷൻ പരിധിയിൽ ബുധനാഴ്ച പുലർച്ചെയായിരുന്നു സംഭവം.
മധ്യപ്രദേശിൽ നിന്നുള്ള കുടുംബം സഞ്ചരിച്ച വാഹനമാണ് അപകടത്തിൽപ്പെട്ടത്. ഇവർ ഖതു ശ്യാംജി ക്ഷേത്രം സന്ദർശിച്ച് മടങ്ങവേയായിരുന്നു അപകടമുണ്ടായത്. വാഹനത്തിലുണ്ടായിരുന്ന മൂന്നു വയസുകാരി മാത്രമാണ് പരിക്കേൽക്കാതെ രക്ഷപെട്ടത്.
പരിക്കേറ്റവരെ ജയ്പൂരിലെ ആശുപത്രിയിൽ പ്രവേശിപ്പിച്ചു. രണ്ട് വാഹനങ്ങളുടെയും ഡ്രൈവർമാർ ഒളിവിലാണെന്നും തോങ്ക് ഡിജിപി പറഞ്ഞു.
