കൊച്ചി:കൊച്ചി നിയമസഭാ മണ്ഡലത്തിലെ സ്ഥാനാർഥിയെ പ്രഖ്യാപിച്ച് വി. ഫോർ പീപ്പിൾ പാർട്ടി. വിഫോര്‍ കേരള ക്യാംപെയിന്‍ കോ-ഓര്‍ഡിനേറ്റര്‍ നിപുൺ ചെറിയാനാണ് സ്ഥാനാര്‍ഥി. മറ്റ് സ്ഥാനാർഥികളെ വരും ദിവസങ്ങളിൽ പ്രഖ്യാപിക്കുമെന്ന് പാർട്ടി അറിയിച്ചു.
വി ഫോർ കൊച്ചി എന്ന കൂട്ടായ്മയാണ് കഴിഞ്ഞ ദിവസം വീ ഫോർ കൊച്ചി എന്ന രാഷ്ട്രീയ പാർട്ടി രൂപീകരിച്ചത്. പാര്‍ട്ടി വിപുലികരിക്കുന്നതിന്‍റെ ഭാഗമായി 14 ജില്ലകളിലും മണ്ഡലം കമ്മറ്റികള്‍ രൂപീകരിക്കും. മണ്ഡലം കമ്മിറ്റിയാണ് അതാത് മണ്ഡലങ്ങളിലെ സ്ഥാനാർഥികളെ തിരുമാനിക്കുക. എറണാകുളം ജില്ലയിലെ മുഴുവന്‍ മണ്ഡലങ്ങളിലും മത്സരിക്കാനാണ് പാര്‍ട്ടി തീരുമാനം.
