തിരുവനന്തപുരം: കോവിഡ് വ്യാപനം ശക്തമായ സാഹചര്യത്തില് സംസ്ഥാനത്ത് നിയന്ത്രണം കൂടുതല് ശക്തമാക്കുന്നു. വ്യാഴാഴ്ച മുതല് സംസ്ഥാനത്ത് പരിശോധന ശക്തമാക്കും. ചീഫ് സെക്രട്ടറി വിളിച്ച കോര് കമ്മിറ്റി യോഗത്തിലാണ് ഇക്കാര്യത്തില് തീരുമാനമായത്. ഇലക്ഷന് പോളിങ്ങ് ഏജൻ്റ്മാരായിരുന്നവർ നിർബന്ധമായും ആർ.ടി.പി.സി ആർ പരിശോധന നടത്തണം
മാസ്ക്, സാമൂഹിക അകലം തുടങ്ങിയ നിയന്ത്രണങ്ങള് പാലിക്കപ്പെടുന്നുണ്ടോയെന്ന് ഉറപ്പാക്കാന് പോലീസ് പരിശോധന നടത്തും. കൂടുതല് സെക്ടറല് മജിസ്ട്രേറ്റുമാരെ നിയമിക്കും.
വിദേശത്തു നിന്നും മറ്റ് സംസ്ഥാനങ്ങളില് നിന്നും വരുന്നവര്ക്ക് ഒരാഴ്ചയുള്ള ക്വാറന്റീന് തുടരും. ആര്ടിപിസിആര് ടെസ്റ്റ് വ്യാപകമാക്കാനും വാക്സിനേഷന് കൂടുതലാളുകള്ക്ക് നല്കാനും ധാരണയായി. കോവിഡ് മാനദണ്ഡങ്ങള് പാലിക്കാത്തവര്ക്കെതിരെ കര്ശന നടപടി സ്വീകരിക്കാനാണ് നിര്ദേശം.