കൊച്ചി: ആലുവയില്‍ നിന്നും കെഎസ്ആര്‍ടിസി ബസ് മോഷ്ടിച്ചയാളെ പിടികൂടി. എറണാകുളം നോര്‍ത്ത് പോലീസ് ആണ് ഇയാളെ കസ്റ്റഡിയിലെടുത്തത്. ഇയാള്‍ക്ക് മാനസികവൈകല്യമുണ്ടെന്നാണ് സൂചന. ചോദ്യം ചെയ്തു വരികയാണ്. ബസും കണ്ടെത്തിയിട്ടുണ്ട്.
ആലുവയില്‍ നിന്നും കോഴിക്കോട്ടേക്ക് സര്‍വീസ് നടത്തേണ്ട ബസാണ് ഇന്ന് രാവിലെ മോഷണം പോയത്. മെക്കാനിക്കിന്‍റെ യൂണിഫോം ധരിച്ചെത്തിയയാള്‍ ബസുമായി കടന്നുകളയുകയായിരുന്നു.
രാവിലെ ബസ് ഒരാൾ ഓടിച്ചു സ്റ്റാൻഡിന് പുറത്തേക്ക് പോകുന്നത് മറ്റു ജീവനക്കാർ കണ്ടിരുന്നു. ടെസ്റ്റിനായി മെക്കാനിക്ക് കൊണ്ടു പോകുന്നതാണെന്നാണ് ഇവർ കരുതിയത്. ആലുവ ജില്ലാ ആശുപത്രിക്ക് സമീപത്തു വച്ച് ബസ് മറ്റൊരു വാഹനവുമായി അപകടത്തിൽപ്പെട്ടിരുന്നു. എന്നാൽ ബസ് നിർത്താതെ പോയി.
അപകടത്തിൽപ്പെട്ട വാഹനത്തിലുള്ളവർ പരാതിപെട്ടപ്പോഴാണ് കെഎസ്ആർടിസി ഡിപ്പോ ഗ്യാരേജിൽ നിന്ന് ബസ് മോഷണം പോയ വിവരം അറിയുന്നത്. തുടർന്ന് നടത്തിയ അന്വേഷണത്തിൽ കലൂരിൽ നിന്നും ബസ് കണ്ടെത്തുകയായിരു
