മുംബൈ: മഹാരാഷ്ട്ര നാടകങ്ങള്‍ക്ക് വിരാമിട്ട് വിമത നേതാവ് ഏക്‌നാഥ് ഷിന്‍ഡെ മുംബൈയിലെത്തി. ബിജെപി നേതാവ് ദേവേന്ദ്ര ഫഡ്‌നാവിസിന്‍റെ വസതിയിലെത്തിയ ഷിന്‍ഡെ അദ്ദേഹവുമായി കൂടിക്കാഴ്ച നടത്തി.ഇരുവരും ഉടന്‍ തന്നെ ഗവര്‍ണര്‍ കോഷിയാരിയെ കാണുമെന്നാണ് സൂചന. തങ്ങള്‍ക്ക് 150 എംഎല്‍എമാരുടെ പിന്തുണയുണ്ടെന്ന് ഇവര്‍ ഗവര്‍ണറെ അറിയിക്കും.
വിമത എംഎല്‍എമാരുടെ പിന്തുണയും കത്തും ഹാജരാക്കും. ദേവേന്ദ്ര ഫഡ്‌നാവിസ് വീണ്ടും മുഖ്യമന്ത്രിയാകുമ്പോള്‍ ഏക്‌നാഥ് ഷിന്‍ഡെ ഉപമുഖ്യമന്ത്രിയായേക്കും. ഫഡ്‌നാവിസ് വെള്ളിയാഴ്ച സത്യപ്രതിജ്ഞ ചെയ്യുമെന്നാണ് സൂചന.
