മലപ്പുറം: സ്വർണം കടത്താൻ ശ്രമിച്ച യുവതിയും ഈ സ്വർണം തട്ടിയെടുക്കാനെത്തിയ രണ്ടുപേരും കരിപ്പൂരിൽ അറസ്റ്റിൽ.
എട്ട് ലക്ഷം രൂപ വിലവരുന്ന 146 ഗ്രാം സ്വർണവുമായി സുൽത്താൻ ബത്തേരി സ്വദേശിനി ഡീന (30), സ്വർണം തട്ടിയെടുക്കാനെത്തിയ കോഴിക്കോട് നല്ലളം സ്വദേശി മുഹമ്മദ് സഹദ് (24), കോഴിക്കോട് വാണിയംകര സ്വദേശി മുഹമ്മദ് ജംനാസ് (36) എന്നിവരെയാണ് പോലീസ് അറസ്റ്റ് ചെയ്തത്.
വയനാട് സ്വദേശി സുബൈർ എന്നയാൾക്ക് വേണ്ടി ദുബായിയിൽ നിന്നും കൊണ്ടുവന്ന സ്വർണം തട്ടിയെടുക്കാനാണ് ഡീനയുടെ അറിവോടെ ഇവർ വിമാനത്താവളത്തിലെത്തിയത്.
ജില്ലാ പോലീസ് മേധാവിക്ക് ലഭിച്ച രഹസ്യവിവരത്തിന്‍റെ അടിസ്ഥാനത്തിലായിരുന്നു പോലീസ് പരിശോധന നടത്തിയത്. ഡീനയുടെ സഹായത്തോടെ സ്വർണം തട്ടിയെടുത്ത ശേഷം പണം വീതിച്ചെടുക്കാനായിരുന്നു സംഘത്തിന്‍റെ തീരുമാനം
