കൊച്ചി: അന്തരീക്ഷ താപനില ഉയര്ന്നു നില്ക്കുന്നതിനാല് സൂര്യാഘാത സാധ്യത ഇന്നു പതിവിലും കൂടുതലാണെന്ന് സംസ്ഥാന ദുരന്ത നിവാരണ അതോറിട്ടി. ഇന്നു സാധാരണയിലും രണ്ടുമുതല് നാലു ഡിഗ്രി സെല്ഷ്യസ് വരെ ചൂട് കൂടുതല് രേഖപ്പെടുത്തുമെന്നാണു അറിയിപ്പ്.
അന്തരീക്ഷത്തില് ഈര്പ്പത്തിന്റെ അംശം കുറഞ്ഞിരിക്കുന്ന കാരണത്താല് കൂടുതല് ചൂട് അനുഭവപ്പെടും. രാവിലെ 11 മുതല് മൂന്നു മണിവരെ യാതൊരു കാരണവശാലും ശരീരത്തില് നേരിട്ട് സൂര്യപ്രകാശം ഏല്ക്കരുതെന്നു നിര്ദേശമുണ്ട്. തിരുവനന്തപുരം, എറണാകുളം, ഇടുക്കി, കോഴിക്കോട്, വയനാട്, കണ്ണൂര് എന്നിവിടങ്ങളില് ഇന്നു മഴയ്ക്കു സാധ്യതയുണ്ട്. വയനാട് ഒഴികെ, സംസ്ഥാനത്ത് എല്ലായിടത്തും താപനില ഉയരുമെന്ന് കാലാവസ്ഥാ നിരീക്ഷണകേന്ദ്രവും അറിയിച്ചു. ഇന്നലെ എറണാകുളം, മലപ്പുറം, കോഴിക്കോട് ജില്ലകളില് ചിലയിടങ്ങളില് നേരിയ മഴ പെയ്തു.