പൊലീസിനെതിരെ പ്രതിഷേധവുമായി കെഎസ്ആര്ടിസി ബസുകള്‍ റോഡില്‍ നിര്‍ത്തിയിട്ടു. കെഎസ്ആര്ടിസി ജീവനക്കാര്‍ ഫോര്‍ട്ട് പൊലീസ് സ്റ്റേഷന്‍ ഉപരോധിക്കുകയും ചെയ്തു.
മണ്ണന്തലയിൽ നിന്നു കിഴക്കേകോട്ടയിലേക്കു പെർമിറ്റ് ഉള്ള സ്വകാര്യ ബസ് ഉത്സവകാലത്തിരക്കു മുതലാക്കാൻ ആറ്റുകാലിലേക്കു ബോർഡ് വച്ചു സർവീസ് നടത്തിയതാണ് ഡിടിഒ തടഞ്ഞത്. സ്വകാര്യ ബസ് തടയാൻ ഡിടിഒയ്ക്ക് അധികാരമില്ലെന്നും അതു സർക്കാർ നോക്കിക്കൊള്ളുമെന്നും പൊലീസ് പറഞ്ഞതായി കെഎസ്ആർടിസി ജീവനക്കാർ ആരോപിച്ചു. ഡിടിഒയെ ലോക്കപ്പിൽ പൂട്ടിയിട്ടിരിക്കുകയാണെന്നും ജീവനക്കാർ പറഞ്ഞു.
