താനൂര്‍(മലപ്പുറം): കിണര്‍ കുഴിക്കുന്നതിനിടെ ഇടിഞ്ഞ് രണ്ടുപേര്‍ മണ്ണിനടിയില്‍ അകപ്പെട്ടു. മലപ്പുറം ജില്ലയിലെ താനൂര്‍ മൂലക്കലിലാണ് സംഭവം.താനൂർ മുക്കോല വേലായുധൻ (60) അച്യുതൻ (63) എന്നിവരാണ് മരിച്ചത്.
രാവിലെ 8.20 ഓടെയാണ് അപകടം. നിര്‍മാണം ഏതാണ്ട് പൂര്‍ത്തിയായ കിണറ്റില്‍ നാലുഭാഗത്തുനിന്നും മണ്ണിടിഞ്ഞുവീഴുകയായിരുന്നു. സംഭവമറിഞ്ഞ ഉടന്‍ പൊലീസും ഫയര്‍ഫോഴ്സും സ്ഥലത്തെത്തി. നാട്ടുകാരുടെ സഹായത്തോടെ രക്ഷാപ്രവര്‍ത്തനം നടത്തിയിരുന്നു എങ്കിലും ഇരുവരെയും കണ്ടെത്താനാവാത്തതിനാൽ ജെ.സി.ബി.ഉപയോഗിച്ച് മണ്ണ് മാറ്റിയാണ് മൃതദേഹങ്ങൾ കണ്ടെത്തിയത്
